Во овие летни денови потребни ни се полесни закуски за да си ја задоволиме потребата за храна. Ви претставуваме интересен солен рецепт, со кој совршено ќе ја надополните летната трпеза.
Потребни состојки:
- 1,5 л јогурт
- 4 кесички желатин во прав
- 6 моркови
- 6 кисели краставички
- 6 јајца
- 300 гр шунка сечкана на кругови
Подготовка:
Излупете ги морковите и сварете ги во солена вода, а потоа исечкајте ги на лентички. Киселите краставички исто така исечкајте ги на лентички.
Сварете ги и јајцата, излупете ги и исечкајте ги на кругчиња.
Во млакиот јогурт, додадете го желатинот во прав и помешајте.
Во правоаголен сад ставете малку од смесата со јогурт и желатин. Одозгора наредете ги круговите исечкана шунка и повторно прелијте со малку јогурт и желатин. Потоа истото направете го и со слој од лентичките морков, киселите краставички и јајцата, помеѓу кои треба да ставите слоеви од смесата со јогурт и желатин, со која треба и да завршите.
Ставете го садот со подготвената смеса во фрижидер за да се стврдне, а потоа само исечете го на коцки и послужете!