Анемијата, или недостаток на црвени крвни зрнца, претставува здравствен проблем кој не смеете да го занемарите.
Бидејќи црвените крвни зрнца во себе содржат хемоглобин, кој е задолжен за доставување на кислород до сите клетки во телото, како последица на нивниот недостаток се јавуваат замор, вртоглавици, блед тен, отсуство на апетит, нарушен имунитет, проблеми со концентрација и сл.
Бидејќи најчестата причина за појава на анемијата е недостаток на железо, ви претставуваме рецепт кој експресно ќе ви ја подобри крвната слика, а е толку вкусен што ќе го консумирате со сласт.
Потребни состојки:
- 200 мл мед
- 200 гр ореви
- 200 гр суво грозје
- 200 мл сок од морков (природен, направен на соковник или процеден од рендан морков)
- 200 мл сок од цвекло (природен)
- 2 лимони
Подготовка:
Излупете ги двата лимона, отстранете ги семчињата и сомелете ги во блендер. Додадете ги медот, сокот од цвекло и сокот од моркови, па измиксајте ги повторно во блендерот. На крајот, во добиената смеса додадете ситно исечкани мелени ореви и суво грозје.
Ќе добиете околу еден литар лековита смеса која можете да ја чувате во стаклено шише или тегла. Консумирајте по една чашка секој ден, на празен стомак.