Овој оброк збогатен со сос од босилек, а во комбинација со слаткастиот вкус на чери доматите ќе ви даде совршена комбинација за одличен ручек.
Потребни состојки:
- 800 гр. готови њоки
- малку сол
- 1 кромид
- 2 чешниња лук
- 1 лажица маслиново масло
- 600 гр. чери домати
- малку бибер
- 30 гр. путер
- неколку листови босилек
- 2 лажици домашно направен песто сос од босилек
Песто сосот од босилек подгответе го од 3-4 ливчиња босилек, 3 чешчиња лук, 100 гр. пармезан, 50 гр. индиски ореви, 1-1,5 дл. маслиново масло, лажичка сол.
Измијте го босилекот, измиксајте го во блендер со лукот и оревите. Додадете го пармезанот, постепено долевајте маслиново масло и уште миксајте додека смесата не се соедини како мајонез.
Многу е важно пестото да го подготвите само од листови на босилек, цветовите и гранчињата одвојте ги бидејќи даваат горчлив вкус.
Подготовка:
1.Њоките сварете ги во посолена вода, исцедете ги и оставете ги на страна.
2. Исчистете го кромидот и лукот, па исецкајте го на коцки. Во сад загрејте го маслиновото масло, па на него издинстајте ги кромидот и лукот. Исчитете ги чери-доматите и додадете ги во мешавината од кромид и лук, а потоа се заедно издинстајте. Посолете и ставете бибер, а потоа измешајте се во пестото од босилек.
3.Путерот загрејте го во друг сад, па додадете ги њоките и кратко издинстајте. Измешајте ги со сосот од доматите. Њоките во сос од домати сервирајте ги на чинија и јадењето декорирајте го по желба.