Познатите ресана колачиња се меѓу најомилените десерти кои можеме да ги најдеме во продавниците. Но, истите можете да ги направите и дома. Ние ви го претставуваме рецептот.
Потребни состојки:
- 4 јајца
- 4 шолји шеќер
- 4 шолји масло
- 10 шолји брашно
- 1 кесичка прашок за печиво
- 1 кесичка ванилин шеќер
- мармалад од кајсии
- сок од 1 портокал и
- 5 гр. желатин
- 300 гр чоколадо за готвење
Начин на подготовка:
- Добро изматете ги јајцата со шеќерот, додајте го маслото, ванилинот шеќер, брашното и прашокот за печиво. Во подмачкано тавче ставајте по половина лажиче од тестото, оставајте доволно простор бидејќи за време на печењето колачињата ќе нараснат.
- Печете на 200 степени околу 15 минути, односно додека тестото не добие на боја. Од оваа маса треба да ви излезат околу три тавчиња со колачиња.
- Во сокот од портокал додадете го желатинот растворен во лажичка ладна вода и ставете го на рингла добро да се загрее. Во тоа додадете десетина лажици мармалад од кајсии, па сето заедно измешајте го и оставете го да се стегне.
- Составувајте по две колачиња меѓу кои ќе ставате од згуснатата смеса од мармаладот, а потоа од едната страна потопете го во растопеното чоколадо.