Во листата на омилени десерти кај многу љубители на благо неизоставен е чизкејкот, што ни малку не нè чуди доколку земеме во предвид дека едноставната подготовка и секогаш постојаната текстура еднакво добро оди со шолја кафе или пак со бело вино.
Во овој рецепт за чизкејк нема брашно, за лесната текстура одговорен е шлагот од изматени белки, а за сочноста пак „пијаните“ праски.
Подлога
- 300 гр. кекси (чајни кекси, кекси со путер или пак полнети како Oreo или слични)
- 4-5 лажици масло или 100 гр. стопен путер
Подготовка:
Рерната загрејте ја на 160 степени. Сомелете ги или пак искршете ги кексите. Додадете масло или путер, измешајте ја смесата за да добиете налик на влажен песок, па сипете ја во претходно намачкан плех (со дијаметар од околу 26 см.). Печете 10 минути додека кексите не заруменат.
Крем
- 800 гр. крем сирење
- 6 јајца
- 200 гр. шеќер
- 3 лажици гриз
- 1 лажица екстракт од ванила
Подготовка:
Жолчките изматете ги со шеќерот. Додадете ванила. Во смесата измешајте сирење, додадете гриз и повторно мешајте. Белките измиксајте ги да добиете шлаг, лесно додадете ја смесата со сирењето, ставете во сад за печење и печете 45 минути на 180 степени. Оставете малку да се излади.
Пијани праски
- 3 поголеми праски или нектарини (зрели)
- 100 мл. ликер (по желба)
- 1 лажица шеќер
- 0,5 лажица густин
Подготовка:
Праските исечете ги на плочки (не морате да ги лупите). Прелијте ги со ликер и посипете ги со шеќер. Загрејте го алкохолот да испари и праските да омекнат. Кога ќе се случи тоа, тргнете ги од оган и во посебен сад излејте го сокот кој настанал со варењето. Во тој сок разматете густин, прелијте го преку праските и потоа вратете на оган, и варете за да згусне. Преливот ставете го на тортата. Оставете да се излади и уживајте во прекрасниот десерт.
Пријатен апетит!