Една од можеби најупотребуваните намирници во кујната дефинитивно се тестените, кои се одлични за гарнир, но и се превкусни и како главно јадење. Иако нивното готвење изгледа како едноставна задача, постојат неколку трикови кои морате да ги знаете.
Доколку сакате вам тестенините да ви излезат совршено, следете ги овие неколку едноставни, но важни совети.
Немојте да додавате масло во водата за готвење. Имено, ако ставите масло во водата, тогаш сосот нема убаво да се залепи за тестенините, туку ќе се разлие наоколу. Со цел да спречите да се залепат тестенините, доволно е да ги измешате при варењето, пишува taste.com.
Тестенините „al dente“ доѓаат од италијанскиот израз кој во слободен превод значи „средно варени (тврдо под заби)“, односно тестенините или зеленчукот кој се готвени да има цврстина и компактност. Доколку ги сакате тестенините „аl dente“ тогаш тие не треба да бидат премногу меки и такви се најдобри за со сосови.
Ако додадете малку сол во водата пред да ги ставите тестенините, тие ќе имаат посебен и подобар вкус. Но, запаметите, доколку планирате врз нив да ставите некој солен зачинет сос, тогаш немојте да ја солите водата.
Никогаш немојте да ги миете тестенините со ладна вода доколку сакате да ги послужите како топло јадење. Имено, ако ги измиете тестенините, сосот едностано нема да се прилепи за тестото, а и самата тестенина ќе изгуби дел од вкусот кој е содржан во водата. Но кога тестенините го подготвувате за ладни салати или пак ви се брза, миењето е сосема во ред.
При варење следете ги упатствата на пакувањето, но при крај добро проверете во која состојба се тестенините со цел да не ги преварите доколку сакате „al dente“. Запомнете: долгите и тенките тестенини (шпагетите) се погодни за полесни, деликатесни сосови, а за посилните зачинети сосови подобри се макароните, т.е. подебелите и пократки тестенини.