Вкусно и меко: Крофни по рецепт на баба!

Неодоливо мек и вкусен десерт кој ќе ве врати во детството.

Потребни состојки:

• 750 гр. брашно
• 1 дл. масло
• 4 лажици шеќер
• 1 јајце
• 1 жолчка
• 500 мл. млеко
• 40 гр. свеж квасец
• Малку сол
• Масло за пржење
• 1 кесичка ванилин шеќер
• Шеќер во прав за посипување

Подготовка:

1. Квасецот растопете го во 1дл. топло млеко со малку шеќер и малку брашно, па оставете да нарасне.
2. Додека расте изматете го јајцето и остатокот од млекото, шеќерот и малку сок, додадете го нараснатиот квасец, па полека додадете го брашното и маслото со постојано мешање.
3. Оставете го тестото на топло двојно да нарасне па премесете, развлечете го на 1 см. дебелина и со чаша или модла вадете ги крофните.
4. Оставете ги околу половина час да нараснат, а потоа пржете во врело масло.
5. Посипете ги со прав шеќер во кој ќе додадете малку ванилин шеќер.
6. Останатото го оставаме на вас, можете одозгора да ставите стопено чоколадо, или пак со шприц да ги наполните крофните со мармалад или крем.

Пријатен апетит!