Не постои домаќинка која не „заплакала“ за време на подготвувањето на оброкот. Проблемот, се разбира, се јавува при сечкањето на кромидот, па затоа ви откриваме неколку паметни трикови со помош на кои повеќе нема да испуштите ниту една солза.
Фрижидер
Пред да почнете да го сечкате, оставете го кромидот да отстои во фрижидерот 15 минути.
Вода
Ставете го кромидот малку да отстои во сад со вода, а потоа исечкајте го.
Оцет
Оцетот е делотворен во спречување на ширењето на ензими од кромидот кои го предизвикуваат печењето на очите.
Свеќа
Запалете свеќа и ставете ја покрај даската на која сечкате. Супстанците кои се ослободуваат од кромидот ќе се изгубат во пламенот.
Нож
Доколку користите многу остар нож ќе го избегнете нагмечувањето на кромидот, кое го зголемува ослободувањето на ензимите, односно супстанците кои ве тераат да „заплачете“.