Ако не умеете да јадете паста, соочувањето со сервираните тестенини може да биде непријатно. Дали се користат нож и виљушка?
Познатиот готвач Цезар Кастела, советува како да јадете тестенини како вистински Италијанци.
Првиот негов совет е да го оставите ножот. Тестенините се долги и треба да останат долги. Италијанците сметаат дека е многу лош манир доколку користете нож при јадење на паста. Тие сметаат дека дури и карактерот на човекот може да се процени по начинот на кој јаде тестенини.
За разлика од ножот, лажицата е добредојден прибор. Со нејзина помош можете полесно да ги намотате тестенините на виљушката.
Зачините и преливот се составен дел од тестенините, сепак не треба да претерувате со нив. Готвачот и онака веќе ја зачинил пастата, па доколку тоа не ви е доволно, додадете само малку.
Италијанскиот трик за крај на консумирањето на тестенините го нарекуваат Casela. Тоа е кога буквално ја чистите чинијата со парче леб, на кое ќе го нанесете целиот сос кој останал.