Постојано слушаме дека не е добро да се внесуваат многу шеќери во организмот, но од време на време можеме да си дозволиме мало и совршено вкусно залаче, кое ќе го направите самите вие. Ви предложуваме три рецепти за сладок овошен грев на кој е тешко да му се одолее.
ЧОКОЛАДНИ КОРПИЧКИ СО БРУСНИЦА
Потребни состојки:
- 250 гр чоколадо
- 150 гр маргарин
- 100 гр сушени брусници
- малку рум
- 1 лажица мед
- хартиени корпички за бомбици
Подготовка:
Ставете ги брусниците во шолја, прелијте ги со рум и оставете ги да отстојат два часа. Растопете ги чоколадото, медот и маргаринот, додадете една лажица рум, па наполнете ги хартиените корпички до половина. Потоа додадете неколку брусници, па дополнете ги корпичките со чоколадната смеса. Украсете по желба и оставете ги слатките да се стврднат.
БОМБИЦИ ОД СМОКВИ
Потребни состојки:
- 500 гр суви смокви
- 1 портокал
- 150 гр мелени ореви
- 100 гр темно чоколадо (70% какао)
- 100 гр кафеав шеќер
- хартиени корпички за бомбици
Подготовка:
Измелете ги смоквите и портокалот, па во таа смеса додадете ги шеќерот, оревите и растопеното чоколадо. Сето тоа измешајте го добро, па доколку ви излезе многу ретко, додадете уште малку мелени ореви. Направете топчиња, извалкајте ги во мелени ореви и ставете ги во хартиени корпички.
ТРОПСКИ ЕНЕРГЕТСКИ ПЛОЧКИ
Потребни состојки:
- ½ шолја индиски ореви
- ½ шолја кокосови трошки
- ½ шолја суви кајсии
- ½ шолја сушен ананас
- 5 урми
- 1 лажица кокосово масло
- малку сол
Подготовка:
Во мултипрактик миксер или блендер, сомелете ги индиските ореви и брашното. Додадете кокос и промешајте. Потоа додаде го исечканото суво овошје и малку сол и миксајте сè додека не се иситнат сите состојки, па додадете го кокосовото масло и мешајте додека смесата не се соедини. Обложете го калапот за колачи со хартија за печење и распоредете ја смесата, па ставете ја во замрзнувач, да отстои 1-2 часа. Извадете ја и исечкајте ја на саканите облици. Плочките ставете ги во сад со капак и чувајте ги во фрижидер до 3 седмици.