На радост на секој од нас, од најмал до најстар, миризбата на печени костени конечно ги разубавува градските улички, создавјќи вистинска магија и носејќи насмевки на нашите лица.
Но, што велите за превкусен десерт од костени? Истиот се прави со пире од варени костени, кое е многу хранливо, а ќе го задоволи вкусот на секој љубител на овие есенски плодови.
Потребни состојки
- За основата:
- 750 гр пире од костени
- 100 гр шеќер во прав
- 15 мл рум
- 125 гр маргарин
- За глазурата:
- 100 гр чоколадо
- 10 гр маргарин
- 30 мл вода
- 20 цели половинки орев
Подготовка:
Изматете го добро маргаринот, додадете го пирето од костени, шеќерот во прав и румот. Смесата добро изматете ја и распоредете ја во тавче така што истата ќе има дебелина од еден сантиметар.
Растопете го чоколадото со маргаринот и водата. Прелијте ја добиената глазура преку смесата од костени и наредете ги половинките од орев. Добиениот десерт ставете го да се излади, исечете го на штангли и сервирајте го.