Зарем има повкусен домашен десерт од вкусни крофни кои ќе не потсетат на детство, токму онакви какви што ни правела нашата баба.
Потребни состојки:
- 1 кг. брашно
- 1 коцка квасец
- 1 лажица шеќер
- 2 лажици сол
- 2 јајца
- Топла вода по потреба
- Масло по потреба
Подготовка:
Во сад за мешање сипете брашно, шеќер и сол и сето тоа измешајте го. Потоа направете вдлабнатина, па во него издробете го квасецот и скршете две јајца.
Од наведените состојки замесете тесто, прво со лажица, pa рачно, а потоа оставете го да отстои околу 30 минути.
Во подлабок сад загрејте го маслото (не треба многу), со лажица вадете ги крофните и пржете ги. Уживајте!
Напомена:
За полесно да се извади тестото, претходно подмачкајте ја лажицата со загреано масло.
Доколку сакате крофните да бидат со еднаква големина (ние намерно сакавме да бидат во различен облик бидејќи така ги правеа и бабите), истите може да ги вадите со лажица за сладолед, која претходно исто така треба да се подмачка.
Бидејќи тестото за крофни е „универзално“, истите може да ги служите солени и благи, па така можете да додадете кајмак, сирење, јогурт или пак ако сте за слатка варијанта, тогаш имате на располагање мармалад, крем, прав шеќер и топено чоколадо.
