Нутриционистите истакнуваат дека супата докажано ја смирува настинката. Нејзините состојки ги намалуваат симптомите на воспаление на горните дишни патишта, кое се манифестира со лачење на секрет од носот и кашлање. Но, многу современи жени, за жал, го прескокнуваат ова здраво јадење, најчесто заради времето кое им е потребно за да го приготват.
Квалитетна и здрава супа можете да сварите за само 15 минути, доколку го исечкате зеленчукот доволно ситно.
Иако не постои домашна зеленчукова супа која не е здрава, сепак во продолжение ви претставуваме три најлековити видови.
Супа од домати
Оваа супа е одлична за превенција на рак, особено на ракот на простата, потоа за запушени артерии и кожни болести. Благодарение на изобилството на ликопен, кој е застапен во црвениот домат, консумирањето на оваа супа може да спречи инфаркт, а витаминот Ц кој е присутен околу семчињата на супата го штитат срцето од болести, респираторни инфекции, рак на кожата и ослабување на видот.
Супа од печурки
Оваа супа е одлична во превенција на карцином, болести на срцето, зголемен крвен притисок, холестерол и вирусни инфекции. Печурките се богати со витамин Б, рибофлавин, ниацин и витамин Б6, кои можат да помогнат во борбата против депресијата, болести на срцето и мигрена.
Супа од целер
Целерот е многу здрав заради неговата содржина на флавоноидот апигенин, кој може да го запре растот на туморот. Благодарение на фиталидите и натриумот, целерот го намалува крвниот притисок, како и нивото на хормоните кои влијаат на стеснување на крвните садови во организмот. Оваа супа е одлична и за оние кои сакаат да ослабат, бидејќи заситува и ја апсорбира водата која се насобира во телото. Секогаш користете ги и листовите бидејќи во нив се крие калиум и витамин Ц.