Знаете ли дека постојат одредени правила кога станува збор за пиење пиво? Ви издвојуваме четири грешки кои најчесто ги правите при консумацијата на убедливо најомилениот пијалак на мажите. Поправете ги веднаш!
Ладни чаши
Можеби и најголемиот мит во светот на пиење пиво е оној со ледените чаши. Наспроти она што го мислат повеќето љубители на пивото, температурата на чашата нема да го подобри вкусот на вашиот омилен пијалак. Ладните чаши предизвикуваат да се создаде повеќе пена отколку што би требало.
Премногу ладно пиво
Секој вид на пиво си има своја оптимална температура, па затоа не е поентата истото секогаш да биде што е можно постудено. Стандардното пиво, она кое најчесто го пиеме, бара температурата да биде на малку поголема од онаа во фрижидерот. Затоа, пред да го послужите, извадете го од фрижидер да отстои на собна температура 10 минути.
Амбалажа и место на чување
Пивото треба да се точи во темна стаклена амбалажа бидејќи кога е изложено на светлина добива поинаков вкус и непријатен мирис. Пивото задолжително чувајте го на темно место, а доколку сакате да го консумирате надвор, искористете ја секоја ладовина и агол без директна светлина.
Време на чување
Често се случува недопиеното шише со пиво со денови да ни седи во фрижидер. Колку подолго го чувате шишето со пиво кое веќе било отворено, толку повеќе истото ја губи аромата, питкоста, пенливоста и уште многу важни карактеристики.