Омиленото тесто во комбинација со здрав зеленчук ги прави палачинките совршен оброк во кој ќе уживаат сите ваши пријатели и членови на вашето семејство.
Потребни состојки:
- 400 гр. брашно
- 4 јајца
- 500 мл. минерална вода
- 200 мл. јогурт
- сол и бибер
- 1 морско оревче
- 2 чешниња лук
- 2 лажици путер
- 150 гр. спанаќ
- 500 гр. домати
- 300 гр. рендано тврд кашкавал
- нане, домати, павлака или мајонез за декорација
Подготовка:
Во сад замесете тесто од брашното, јајцата, киселата вода и јогуртот. Исчистете го лукот и ситно исецкајте го. Во чинија загрејте го маслото и на него испржете го лукот.
Исчистете го спанаќот, измијте го и оставете го добро да се исцеди. Ситно исекајте го, додадете го во тавата со лукот и кратко издинстајте го. Додадете сол, бибер и оревчето и сето тоа убаво измешајте. Потоа тргнете од оган, оставете малку да се излади и со оваа смеса полнете ги палачинките. Во друг сад загрејте го путерот и во него ставете ги палачинките.
Загрејте ја рерната на 220 степени. Исчистете ги доматите и исечете ги на кругови. Доматите и ренданиот кашкавал ставете ги врз палачинките. Замотајте ги палачинките и убаво наредете ги на плехот. Печете 15 минути.
Печените палачинки извадете ги од плехот, украсете ги во чинија со нане и свеж домат. Можете потоа да додадете мајонез или пак павлака.
Пријатен апетит.