Пржењето јајца се смета за можеби наједноставниот зафат во кујната, но вистина е дека многу луѓе се соочуваат со еден ист проблем. Имено, јајцето на око често ни излегува препржено од долната страна, а горе да остане живо.
Доколку тоа ви се случува и вам, решението е едноставно – при пржењето користете капак.
Поточно, со помош на капакот пареата ќе овозможи горната страна на јајцето да се свари, па горниот слој нема да остане лигав и проѕирен – проблем кој многу луѓе ги нервира.
Јајцата секогаш пржете ги на средна температура, никако на силна, затоа што така веднаш ќе се испржи само долниот дел од јајцето. Доколку сакате жолчката да биде потечна, јајцето тргнете го од оган штом белката престане да делува течно. Доколку, пак, сакате жолчката да биде потврда, тавчето тргнете го од оган, но оставете го капакот да отстои уште неколку минути.
Готвачката Л. Б. Андерсон, која работи за сајтот Slate, ни демонстрира како правилно и едноставно да го испржиме јајцето со помош на капак. Погледнете!