Англичаните си гo сакаат чајот и колачите кои се служат со него. Тоа е неоспорно. Поради таа љубов кон слатките, колачите и бисквитите кои ги пијат во времето за чај, тие секоја година стануваат поиновативни во подготвувањето на истите.
Ви претставуваме одличен рецепт за брзи, вкусни и колоритни колачи кои ќе ги обожаваат не само децата, туку и возрасните.
Состојки:
За колачите:
- 3 шолји брашно
- 1 пакетче прашок за печиво
- ½ шолја путер на собна температура
- 1 шолја шеќер
- 2 јајца на собна температура
- 1 лажичка ванила екстракт
- ¼ шолја слатка павлака
За глазурата:
- ½ шолја омекнат путер на собна температура
- 3 шолји шеќер во прав
- 1 лажичка екстракт од ванила
- Млеко по потреба за конзистентноста која сакате да ја добиете од глазурата
- Боја за колачи
- Трошки во боја
Смесата е доволна за 25 колачи
Инструкции за подготвување на колачите:
Во еден сат измешајте ги брашното и прашокот за печиво, а во друг со миксер изматете ги путерот и шеќерот додека не стане смесата пенеста и лесна. Во садот со путерот додадете ги јајцата едно по едно и миксајте додека не се соединат со смесата, а за крај додадете ги ванилата и слатката павлака па добро измиксајте повторно.
На крај додадете го брашното и прашокот за печиво од првиот сад и добро измешајте. Тестото кое ќе го добиете ќе биде многу лепливо, па за подобро да се расука ставете го во целофан, па во фрижидер неколку часа (дури и преку ноќ ако можете), но ако не можете подолго време да го држите во фрижидер, тогаш оставете го во фрижидер за длабоко замрзнување околу 1 час.
Откако ќе бидете подготвени за расукување, набрашнете ја масата и расукајте го тестото со дебелина од половина сантиметар и со калап (а ако немате тркалезен калап, послужете се со чаша) извадете тркалезни колачи и ставете ги во тавче обложено со хартија за печење.
Печете ги колачите на 220 степени целзиусови 6-7 минути. Важно е да не ги печете повеќе од тоа, и покрај тоа што ќе изгледаат бели одозгора а заруменети од рабовите, тие ќе бидат совршено испечени со текстура како бисквити.
Извадете ги од рерната и оставете добро да се изладат.
Инструкции за подготвување на глазурата:
Изматете го путерот и шеќерот во прав и лажица по лажица додавајте од млекото додека не ја добите посакуваната текстура на глаузрата. Нека не биде премногу течна и не премногу цврста бидејќи нема да можете да ја размачкате врз колачите и во двата случаи. На крај додадете ја бојата за колачите која ќе ја одберете. Можете да ја поделите глазурата на повеќе дела и да експериментирате со повеќе бои. Розе, сина, зелена, жолта... Изборот е ваш.
Премачкајте ги оладените колачиња со готовата глазура и ставете трошки во боја одозгора.
Bon appétit !!!