Пикантно уживање: Мексиканска салата

Пикантна салата која ќе ви ги освои сите ваши сетила, а ќе ве привлече и со нејзиниот изглед.

Потребни состојки:

• 1 конзерва црвен грав
• 1 конзерва пченка
• 2 главици кромид
• 1 главица зелена салата
• 1 лажица мед
• сок од 1 лимон
• 1 лута пиперка
• 1 црвена блага пиперка
• малку масло
• сол

Подготовка

Исцедете ги гравот и пченката. Исечете го кромидот на кругови, а салатата на ленти.

Сите состојки соединете ги во еден сад. За прелив измешајте го лимоновиот сок со малку масло, посолете по ваш вкус, а потоа додадете ги медот и исецканата пиперка.

Посипете го преливот преку салатата и послужете со лесно главно јадење, како тестенини или пак пилешко месо. Оваа мексиканска салата можете да ја јадете и како засебен оброк. По желба, за време на подготовката можете да додадете и црвена пиперка и друг зеленчук по желба. Секако, доколку сакате салатата да ја направите покалорична додадете на крај и мајонез.

Пријатен апетит!