Консумацијата на рибата се поврзува со намалена стапка на срцеви заболувања, мозочен удар, депресија и Алцхајмерова болест. Но, начинот на кој што ја јадете оваа супер-храна го одредува степенот на искористување на бенефитите кои истата ги пружа.
Истражувањата покажуваат дека луѓето кои редовно консумираат риба покажуваат подобро функционирање на мозокот и меморијата, но само доколку рибата е печена или варена, а не пржена, што е исто така многу подобро за обемот на вашата половина.
Еве неколку совети како да ја направите печената или варената риба уште пофантастична:
Користете добри масти
Пред да ги ставите во рерната или на скара, истријте ги филетите од риба со маслиново масло или обвиткајте ги во сушени домати или печени модри патлиџани.
Додадете зачини
Постојат без број начини да ја зачините рибата, почнувајќи од едноставна комбинација на лук и оригано. Некои од поинтересните комбинации вклучуваат:
- цеден лимон, рендана кора од лимон, иситнет лук, магдонос и црн бибер
- иситнет лук, свеж рендан ѓумбир, куркума и црвен бибер
- свеж копар, иситнет лук, црн бибер и чили во прав
Додадете слоеви
По печењето или варењето, на рибата додадете и’ слоеви од друг вид здрава храна, како хумус, соте од спанаќ, печени домати, печурки, пире од компири и сл.
Изладете ја
Секоја риба може да се служи ладна во комбинација на вкусна салата и ориз.
Додаток во други јадења
По печењето или варењето, искомбинирајте ја рибата како додаток во друг вкусен оброк, како вегетаријанска супа или паста со зеленчук.
