Доколку сакате да се исхранувате здраво и да имате нормална тежина, овие оброци се совршеното решение за вас бидејќи се сиромашни со калории и масти, а ќе ве држат сити. Зеленчуковите супи содржат многу витамини, минерали и растителни влакна, што ги прави да бидат идеален и хранлив оброк.
Ви нудиме неколку рецепти кои нутриционистите ги препорачуваат за успешно справување со вишокот килограми.
Супа со брокула и грав
Потребни состојки:
- 1 коцка за супа
- 500 мл вода
- 500 гр брокула
- 1 шолја сварен грав
- малку сол, црн и црвен бибер по желба
Подготовка:
Во тенџере со средна големина ставете ги водата и коцката за супа и загрејте ги до точка на вриење. Додадете ја исечканата брокула и варете уште неколку минути за брокулата малку да подомекне. Потоа додадете ги веќе сварениот грав и зачините и оставете додека не почне убаво да врие, а потоа тргнете го тенџерето од оган. Супата можете да ја послужите и така, но доколку сакате да добиете кремаста текстура, истурете ја целата во блендер и измиксајте убаво. На крај можете да додадете и лажица кисела павлака.
Супа од моркови
Потребни состојки:
- 500 мл вода
- 3 лажици маслиново масло
- 2 лажици кари
- 8 поголеми моркови
- 1 исечкан кромид
- 1 коцка за супа
- 1 лажица лимонов сок
- сол по желба
Подготовка:
Во големо тенџере ставете ги водата, маслото и карито. Мешајте две минути, па додадете ги морковите, целерот и кромидот. Варете 20 минути па додадете ја коцката за супа. Намалете го оганот и варете сè додека зеленчукот не омекне, а потоа тргнете го тенџерето од рингла и оставете да отстои 10 минути. Земете салфета и ставете ја на површината на супата за да ја випе маснотијата. Потоа обезмастената супа ставете ја во блендер за да добиете кремаста текстура.
Супа од тиква и пченка
Потребни состојки:
- 500 мл вода
- 1 лажица маслиново масло
- 1 голем праз (исечкан)
- 1 големо парче тиква (исечкано)
- 2 коцки за супа
- 1 шолја блага пченка
- 1 мала лажичка лимонов сок
- малку сол
Подготовка:
Загрејте ги водата и маслото, па во нив ставете го исечканиот праз и варете една минута. Потоа додадете ја тиквата и мешајте сè додека зеленчукот не омекне. На крај додадете ја и пченката. Кога целосно ќе се свари, истурете ја супата во блендер за да добиете смеса без грутчиња. На крај додадете го лимоновиот сок и добро измешајте.