Правилото 80/20 – тоа е начин на живот кој ќе ви овозможи саканата тежина да ја одржувате лесно или пак да изгубите килограми колку вам ви е потребно.
За што се работи? Станува збор за едноставна работа: 80 отсто од времето се фокусирате на тоа правилно и здраво да се храните , а 20 отсто од времето да имате слобода да се опуштите и да јадете што сакате. Звучи комплицирано, но немојте да се загрижувате поради математиката.
Ако се придржувате на правилото 80/20, не морате да го ограничувате својот друштвен живот. Напротив, можете себеси да си дозволите да излезете, па дури и да уживате понекогаш на коктели со пријателите. Што е најважно, пијалак или вечера во некој ресторан нема да ви влијае на вашата цел да изгубите килограми.
Ако јадете три оброци дневно, секоја недела можете да си дозволите да уживате во три оброци по желба. Токму тие три оброци ги прават магичните 20 отсто. Ако јадете пет мали оброци дневно, неделно имате дури седум оброци по ваша желба.
Колку е делотворен овој начин на исхрана говори и тоа дека и холивудски ѕвезди се одлучија на ваков режим. Една од нив е и Џесика Алба. Нејзиниот личен тренер Џими Ли објаснува зошто овој систем е делотворен.
- Не можете да бидете 100 отсто концентрирани и мотивирани цело време, но можете да бидете 80 отсто од времето. Психички полесно ќе го издржите процесот на губење на килограми бидејќи ќе знаете дека можете да се опуштите и повремено да уживате, вели Џими Ли.
Личниот тренер на Џесика Алба препорачува мали, чести оброци во текот на денот, со цел тие здрави оброци да бидат 80 отсто од она што сте го изеле.
Супермоделот Миранда Кер исто така се придржува на правилото 80/20. Таа тврди дека ваквиот режим на исхрана направил чуда за нејзиниот изглед.
- Храната е мојот пријател, а доследноста е клучот. Верувам дека умереноста е најдобра. Затоа овој принцип ми одговара, објаснува Миранда.