Православните верници денес одбележуваат голем празник, слава на св. Никола. Како што наложуваат правилата на верата, празникот се прославува со посни јадења.
Печен лосос во сос од портокал
Потребни состојки:
- 1 кг. филети
- 50 мл. маслиново масло
- 3 лажици лимонов сок
- Сол, бибер
За сосот:
- 300 мл. сок од портокал
- 80 гр. лук
- 30 гр. масло
- 250 мл. растителна павлака
- 1 лажица густин
- 1 лажица исечена кора од портокал
- ½ лажица бибер
- 1 лажица вегета
Подготовка:
Филетите посипете ги со лимоновиот сок, малку посолете и забиберете. На загреано масло од двете страни испржете ја рибата и ставете ја на топло место. На масло кратко испржете го лукот, залијте со сок од портокал и со околу 100 мл. вода. Заедно гответе околу 5 минути. Додадете ја исечената кора од портокал, вегетата и биберот. Варете уште пет минути и на крај додадете густин, разматен во малку вода и павлаката. Пуштете уште малку да проврие. Топлата риба прелијте ја со сосот и послужете.
Манастирска сарма
Потребни состојки:
- 20 листови кисела зелка
- 1 главица кромид
- Малку праз
- 1 поголем морков
- 1 поголем компир
- 1 јаболко
- ½ шолја сецкани ореви
- 1 шолја варен ориз
- 50 гр. суво грозје
- Сол, вегета, бибер
- Масло
- 1 шолја вода
Подготовка:
На масло испржете го кромидот и празот, па додадете ги исецканите морков, кромид и јаболко, потоа посолете и динстајте уште пет минути. Додадете ги сецканите ореви, сувото грозје и варете уште неколку минути. Тргнете од рингла, па додадете го оризот и зачинете со бибер и зачин. Направете сармички и ставете ги во подлабок сад, во кој претходно сте ставиле малку масло и листови зелка. Прелијте со вода и два децилитри масло, па ставете во рерна на 220 степени. Печете околу еден час.
Сом во сос од зеленчук
Потребни состојки:
- 400 гр. филети сом
- 2 лажици маслиново масло
- 2 моркови
- 1 корен першун
- 1 кромид
- 1 корен целер
- 2 домати
- 1-2 феферони
- 1 пиперка
- Сол, бибер
- Лист од першун
- Супа од зеленчук
Подготовка:
На масло испржете го кромидот. Додадете го исецканиот зеленчук и фефероните, залијте со малку супа од зеленчук и оставете покриено со капак. Посолете и варете додека зеленчукот не омекне. Додадете ја рибата и продолжите да готвите уште 15 минути на лесен оган. Додадете го биберот и зачинете по вкус. Кога јадењето е готово посипете со першуновиот лист.
Печен ослич во бело вино
Потребни состојки:
- 4 помали парчиња ослич
- 2 лажици сенф
- 2 лажици вегета
- 1 дл. бело вино
- 1 дл. вода
- Бибер
- 3 чешчиња лук
- 1 лимон
- 50 гр. ѓумбир
Подготовка:
Рибата добро исчистете ја, а сите состојки добро измешајте ги заедно. Садот за печење подмачкајте го со малку масло и наредете по него крукчиња лимон и исецкан ѓумбир. Рибата премачкајте ја со измешаните состојки и ставете ја на парчињата лимон и ѓумбир. Сипете вода и бело вино. Садот прекријте го со фолија, па рибата печете ја еден час, потоа скинете ја фолијата и печете уште 15 минути за да добиете поубава боја. Сервирајте го осличот со варен или пак печен зеленчук по желба.