Не залудно бананинте се главна храна на суперхероите на некои од цртаните. Овие овошки содржат три вида на шеќери (фруктоза, сахароза и глукоза), но и многу растителни влакна, па токму оваа комбинација остава долго чувство на ситост.
Истражувањата покажуваат дека само две банани на ден се доволни за да издржите 90-минутен тренинг. Сепак, енергијата не е единствениот благодет на ова чудесно овошје.
Во споредба со јаболката, бананите содржат четири пати повеќе протеини, два пати повеќе јаглени хидрати, три пати повеќе фосфор, пет пати повеќе витамин А и железо.
Еве на кои сè начини ќе ви помогне редовната консумација на бананите.
Депресија
Судејќи според резултатите од неодамнешните истражувања спроведени помеѓу лицата кои патат од одреден облик на депресија, бананите може да се користат како лек. За ова е заслужен протеинот триптофан, кој во телото се претвора во серотонин, познат како хормон на среќа и задоволство. Следниот пат кога ќе ве мачи ПМС-от, заборавете на апчињата против болки и обидете се со консумација на ова чудесно овошје.
Анемија
Со оглед на тоа што изобилуваат со железо, бананите го поттикнуваат создавањето на хемоглобин во крвта и на тој начин им помага на лицата со анемија.
Крвен притисок
Ова јужно овошје содржи многу малку соли, но доста голема количина на калиум кој е важен за регулирање на крвниот притисок. Доколку редовно го консумирате, ќе ги намалите шансите за мозочен удар.
Мозок
Бананите влијаат и на работата на мозокот, а едно истражување покажало дека учениците кои наутро јадат по една банана имале подобра концентрација во текот на денот.
Констипација
Бидејќи се богати со влакна, бананите помагаат брзо да ги надминете проблемите со запекот, без употреба на лаксатив.
Мамурлак
Имавте бурна вечер? Не грижете се, еден експресен милк-шејк со банани веднаш ќе ве ослободи од главоболката. Доколку додадете и една лажичка нагремов мед, ќе го смирите желудникот, но и ќе надоместите за изгубениот шеќер.
Утрински мачнини
Доколку редовно ги консумирате бананите, ќе ги намалите, а можеби и во целост елиминирате утринските мачнини.
Убод од комарец
За да го смирите отокот од убод од комарец или сличен инсект, иритираното место тријте го со внатрешната страна на лушпата од банана.
Нерви
Бананите изобилуваат со витаминот Б, кој му помага на нервниот систем да се смири. Доколку имате стресна работа, одлучете се токму ова овошје да го консумирате за ужина.
Црева
Ова чудотворно овошје, заради својот мек состав се користи и како диетална храна против цревните болести.