Како се ближи Нова Година така ние имаме се помалку време за да ја подготвиме празничната трпеза која сме ја испланирале. Најчесто за десертот планираме нешто големо, за на крај да брзаме и да направиме некоја торта или пак колач набрзина.
Ние ви предложуваме наместо празниците да ги поминете покрај рерната во кујна, слаткиот и брз спас се крие во колачот која може да ја направите за неверојатни 15 минути. Направете повеќе вакви парчиња одеднаш и ете ви цела торта. Доколку сакате повеќе шолји колач тогаш за толку зголемете ги дозите.
Овој рецептот ќе ви заштеди време и обезбеди слатко уживање на празничната трпеза:
Состојки:
- 30 гр. какао во прав
- 90 гр. брашно
- Малку сол
- Прашок за печиво
- 20 гр. шеќер
- 6 мали лажички билно масло
- 80 мл. млеко
- Половина лажица екстракт од ванила
Подготовка:
Помешајте ги сувите состојки. Потоа додајте ги течностите и добро промешајте.
Смесата ставете ја во мал калап за торта, а ако сакате поголема количина зголемете ја количината состојките пропорционално.
Печете на 180 степени околу 12 до 15 минути.
Ако сепак сакате малку да ја декорирате тортата, чоколадната глазура или растопениот еурокрем е секогаш ефектно решение.
Пријатен апетит!