На многу едноставен начин можете да направите парчињата торта да добијат облик на празнични декорации, а кога ги украсувате мафините, водете се по паролата, што повеќе тоа подобро!
За вашата трпеза оваа година да биде единствена и неодолива, потребно е само малку од вашето слободно време. Заборавите на стандардните десерти и подгответе се за вистинското хедонистичко задоволство за вашето семејство, гости, но и за вас самите.
Дали тоа ќе бидат неодоливи мафини, омилена торта, пуслици кои се топат во уста или овошен десерт, на вас е да одлучите, а ние ви нудиме 5 креативни идеи за слатки во облик на новогодишна елка, која ќе ве воодушеви како со изгледот, така и со вкусот.
Неодолива торта
Направете ја омилената, лесна торта по ваш избор, но нека е округла. Исечете ја на триаголници, скратете ги малку краевите, а во средината ставете чоколадно стапче, така што секое парче да изгледа како мала елка. Ако парчето го украсите со малку шлаг во зелена боја и шарени бомбончиња, вие ќе добиете изглед на украсена празнична елка.
Празнични мафини
Направете го тестото за омилените слатки мафини и испечете го. Во духот на празникот ставете им црвени корпички. Изматете белка со шеќер и малку лимонов сок, нанесете на колачите, па испечете ги неколку минути. Оставете малку да се излади, а во меѓувреме изматете го шлагот, додадете ја зелената прехранбена боја и со шприц направете облик на елка како на фотографијата. Украсете со мали ситни бомбончиња и елкичка која се јаде на врвот. Вашите гости ќе бидат воодушевени.
Овошна елка
Измешајте 300 гр. мелени кекси со сок од портокал, таман толку за да смесата биде еднолична и лесна за обликување. Од смесата формирајте облик на поголема елка, па подгответе фил. 300 мл. млеко ставете да зоврие, а во меѓувреме 200 мл. млеко разматете со 8 лажици шеќер и 9 лажици брашно. Кога ќе зоврие, ставете ја смесата со брашно и шеќер и варете 1-2 минути. Додадете 250 гр. путер со 2 лажици шеќер во прав и ставете го изладениот фил и сето тоа добро соединете го со мискер. Нафилувајте ја кората, пазете тортата да го задржи обликот на елка, а потоа исецкајте киви на танки парчиња. Наредете ги преку филот, а потоа додадете и неколку рибизли, кои ќе изгледаат како украси.
Елка пуслица
Изматете две белки со 150 гр. шеќер и лажица лимонов сок, пенесто изматете, а шеќерот додавајте го постепено. Кога ќе добиете цврста маса како снег, додадете лимонов сок и уште малку матете. Додадете прехранбена зелена боја и со шприц формирајте елки. Печете во рерна околу 60 минути на 130 степени. Кога е печено посипете малку шеќер во прав за да добиете изглед на снег кој паднал врз нив, а на врвот ставете чоколадна ѕвезда од стопено чоколадо која ќе ја формирате одделно и потоа само ќе ја ставите на елката.
Новогодишен капкејк
Пробајте го овој неодолив колач во варијатна со ванила. Потребно ви се 200 гр. шеќер, 100 гр. путер, 2 јајца, 2 лажици екстракт од ванила, 200 гр. брашно, 2 лажици прашок за печење, 130 мл. млеко.
Тесто: Изматете ги јајцата и путерот и на крај екстрактот од ванила. Во посебен сад измешајте го брашното и прашокот за печење и полека додадете млеко. Мешајте додека од смесата не добиете глатко тесто, а потоа измешајте ја со јајцата и путерот. Сипете во калапи и печете 20-на минути на 180 степени.
Фил: Изматете 150 гр. путер, па додадете 140 гр. шеќер и добро соединете. Додајте уште 140 гр. шеќер, лажица млеко и добро измешајте. Ако вам смесата ви е прегуста, тогаш додадете уште една лажица млеко. Со шприц нанесете фил на секој мафин, одете во висина колку сакате, а преку шприц нанесете шлаг во зелена боја. Кога станува збор за висината, што е повисоко толку подобро, а кога ќе завршите со формирање на елката, украсете ја со бомбончиња и ѕвезда за јадење на врвот.
Пријатен апетит и среќна Нова Година!