Вкусната божиќна трпеза дополнете ја со торта од чоколадо и вишни на кои тешко може да им одолеете. Тортата пред послужување добро изладете ја и ефектот на воодушевување сигурно нема да изостане.
Потребни состојки:
За пандишпанот
- 4 јајца
- 100 гр. шеќер
- 200 гр. чоколадо
- 30 гр. лебни трошки
За филот:
- 1 компот од вишни или пак половина килограм замрзнати вишни
- 200 гр. чоколадо
- 500 мл. слатка павлака за шлаг
Подготовка:
Изматете ги пенесто жолчките со шеќер.
Додадете го стопеното чоколадо, мелените ореви, измешани со лебните трошки и изматените на страна белки. Смесата лесно изматете ја и излијте ја во калап за торта или некој сад за печење.
Тортата печете ја во рерна загреана на 170 степени, 30 – 40 минути.
За филот: исчистете ги вишните и распоредете ги преку изладениот пандишпан. Чоколадото стопете го во 150-те мл. загреаната слатка павлака па изладете. Преостанатата слатка павлака изматете ја да добиете шлаг и постепено додадете го подготвеното чоколадо.
Послужување:
Кремот премачкајте го преку вишните, па тортата оставете ја во фрижидерот добро да се излади, а потоа послужете.
Совет: На пандишпанот можете да го истурите сокот од компотот за да ви биде посочен.