Ова можеби не е потполно најздравата варијанта на појадок, со оглед на тоа што содржи малку шеќер, но секако е многу подобра од готовите производи со кои најчесто го задоволуваме чувството на глад наутро. Мафините од житарки се подготвуваат лесно и брзо, а ќе ве изненадат со нивниот одличен вкус.
Состојки:
- 3 шолји овесни снегулки
- ½ шолја кафеав шеќер
- 2 мали лажички прашок за печиво
- ½ лажичка сол
- 2 јајца
- 1 шолја незасладен сок од јаболка
- 1 шолја млеко
- 3 лажици путер
- 1 лажичка екстракт од ванила
- 1 рака брусници и фстаци
- 1 рака боровинки и кокос
- 1 рака рендано темно чоколадо и бадеми
Подготовка:
Во голема чинија помешајте ги овесните снегулки, прашокот за печиво, шеќерот и солта. Измешајте ги и тргнете ги на страна. Во друг сад изматете ги јајцата, сокот од јаболка, млекото и ванилата, а потоа додадете ги сувите состојки и промешајте. Потоа добро измешајте ја заедно целата смеса и истурете ја во сад за мафини во кој претходно сте ставиле хартиени корпи и ќе добиете вкусни колачиња со брусници, фстаци, чоколадо или едноставно направете ја вашата омилена комбинација.
За подетално упатство како да ги направите мафините од житарки, погледнете го видеото.