Сакате да имате рамен стомак како топ модел? Тогаш следете ги овие утрински правила!
Велат дека денот по утрото се познава, па затоа добро би било да станете од креветот со широка насмевка на вашето лице. После неколку позитивни мисли, потрудете се да ги испочитувате следните правила кои ќе ви помогнат да имате стомак каков што отсекогаш сте посакувале.
Не го прескокнувајте појадокот
Ова е едно многу важно правило, па затоа колку и да ви изгледа дека не сте во состојба да јадете пред да отидете на работа, потрудете се тоа сепак да го сторите. Појадувајте најдоцна еден час откако ќе станете од кревет. Немојте да чекате да стигнете на работа.
Внесувајте протеини
Доколку го започнете денот со протеини, ќе бидете сити подолго време. Јајцата, интегралниот леб и јогуртот се одличен избор. Протеините подолго ќе ве држат сити, бидејќи се варат побавно.
Задолжително и една банана
Веќе неколку пати сме пишувале за ова навистина чудесно овошје и неговите супермоќи. Бананата ќе ве снабди со енергија и ќе го поттикне лачењето на серотонин, хормонот на среќата.
Се разбира, доколку сакате да имате тело на кое сите ќе му подзавидат, неопходно е редовно и многу да вежбате и да внимавате на внесот на масти и јаглехидрати.