Ретко кој може да се откаже од навиката да се напие кафе штом ќе стане од спиење. Но, експертите советуваат дека тоа сепак не треба да го правиме, не дека кафето е штетен напиток, туку дека истото не е добро да се пие на празен желудник, веднаш откако ќе се разбудиме.
Наместо кафе, советуваме да го консумирате овој здрав и енергизирачки напиток кој брзо се подготвува, а ќе ги задоволи утринските потреби на вашето тело. Станува збор за сок од рукола и портокал. За кафе секогаш има време подоцна во текот на денот.
Потребни состојки:
- 2 портокали
- 500 гр рукола
- малку вода
Излупете ги портокалите и ставете ги во белндер или соковник. Измијте ја руколата и додадете ја во блендерот/соковникот. Доколку користите блендер, а не соковник, додадете малку вода во зависност од густината која сакате да ја добиете и добро изблендирајте.
Јадејќи ја руколата како салата, не успеваме доволно да ги изџвакаме влакната, заради што организмот не успева 100 процентно да ги апсорбира нејзините вредни состојки. Но, во тоа ни помагаат блендерот и соковникот. Сокот од рукола е богат со хранливи материи, а кога ќе додадеме портокал имаме добитна комбинација.
Руколата и портокалот се одлични за чистење на организмот и се богати со витамин Ц. За разлика од кафето, кое нагло и краткотрајно ја подигнува енергијата, комбинацијата на рукола и портокал даваат енергија која е долготрајна. Токму затоа овој сок е подобриот избор.