Доколку сакате да направите лесен десерт со кој ќе го израдувате вашето семејство, а најмногу најмалите, ви предложуваме одличен рецепт за Киндер обланди.
Со овие обланди никогаш не може да погрешите бидејќи нема кој не го обожува познатиот Киндер вкус, а нив ќе ги направите многу брзо и едноставно.
Потребни состојки:
- 200 мл вода
- 600 гр млеко во прав
- 800 гр шеќер
- 250 гр маргарин
- 100 гр чоколадо
- 3 слоеви обланда
Подготовка:
- Во тенџерче помешајте го шеќерот со 200 мл вода, ставете го на оган и оставете да врие 5-10 минути.
- Во друг сад посебно изматете го маргаринот, потоа додадете го млекото во прав и соединете ја смесата колку што е можно подобро.
- Во садот со маргаринот и млекото во прав додадете го врелиот сируп и добро измешајте ја смесата со миксер. Потоа поделете ја на 2 дела и во едниот додајте го чоколадото кое претходно сте го растопиле.
- Оставете ги и двата фила малку да се оладат а потоа наредете: обланда – црн фил – обланда – бел фил – обланда.
Уживајте во неодоливиот Киндер вкус!