Во ладните зимски ноќи топлите напивки се одлични за подобрување на расположението. И додека повеќето од нас подготвуваат чај или пак салеп, најдобриот топол напиток несомнено е топлото чоколадо.
Но, не инстант кесичките кои можете да ги најдете во било кој маркет, туку домашно приготвената верзија со растопено чоколадо. Мошне едноставно и мошне вкусно.
Потребни состојки 4 шолји:
- 1 шолја ладна хопла
- 2 шолји мелко
- 50 гр млеко во прав
- 1 лажица густин
- 150 гр чоколадо
Подготовка :
Ставете го млекото во длабок сад и зовријте го. Потоа намалете ја температурата и додадете го чоколадото така што постојано ќе матите со маталка додека целосно не се растопи. На страна помешајте ги густинот и млекото во прав, а потоа заедно додадете ги во млекото со чоколадо повторно со континуирано матење.
Ладната хопла изматете ја со рака или со миксер и преминете кон сервирање.
Најпрвин распоредете го чоколадото во 4 шолји, па потоа врз него ставете го кремот од хопла. Можете да декорирате со растопена карамела, цимет или прелив од чоколадо.