Храната е еден од најголемите афродизијаци кои постојат, а Пирот го има вистинскиот рецепт за зголемување на сексуалната желба.
Велат дека позната сплескана кобасица го поттикнува секс нагонот, па токму затоа сите се обидуваат што побрзо да го приграбат своето парче.
Истата се прави од најквалитетните типови на месо и тоа јунешко, козјо и овчо без лој со додаток од бел лук, суџук и низа на зачини. Се суши на таван и постојано се пегла со шише поради што е сплескана и има форма на потковица. Се подготвува само во Пирот и тоа во текот на зимата, а луѓето ја обожуваат бидејќи освен тоа што е вкусна и одлично оди со вино се верува дека има афродизијачко дејство.
Вијаграта од Пирот има свој саем, кој годинава ќе се одржи од 31 јануари до 1 февруари.
-Имаме околу 1000 резервации од Бугарија, а за саемот се интересираат преку 20 туристички агенции од соседните земји така да очекуваме голем број туристи од овие земји, но и од цела Србија, а интерес има и од Македонија, открива Братислав Златков, директор на туристичката организација на Пирот.
Ако сакате да вкусите нешто ново, крајот на месецот е одличен за да го направите тоа.