Ништо подобро од традиционален фамилијарен ручек, но ако не е кај вас дома и не морате со часови да подготвувате „еден тон“ храна, зарем не? Се шегуваме, секако, но признајте дека малку ве нервира кога баба ви, мајка ви или пак вашата тетка ќе ги остави компирите во маслото од печење... Имаме решение!
Сигурно ви е непријатно да наоѓате забелешки на храната која ја зготвил некој од вашето семејство, но барем можете да започнете и вие да подготвите по нешто. Наместо сировиот компир да го ставите во тавчето на средина од печењето на месото, следете го овој едноставен трик: компирите кој сте ги измиле, излупиле и исекле на коцки или пак во некој облик кој вам ви се допаѓа, прво сварете ги неколку минути, па потоа ставете ги кај месото во рерната.
Компирот нема да впие толку многу масти, а внатрешноста ќе остане со фантастична мекост. Уште ако на тоа ја придодадеме и сјајната крцкава корка, тоа не може да биде лошо.
За сите оние кои не сакаат да го мешаат компирот со месото, ете и еден совет за пикантни крцкави печени компири. Имајте пријатен апетит!