Иако знаеме дека не се баш најздравата опција, никако не можеме да останеме рамнодушни пред пржени компирчиња. Тие се едноставно неодоливи, како за најмалечките, така и за нас повозрасните.
Понекогаш можеме да си дозволиме да направиме исклучок од здравата исхрана и да уживаме во ова толку ендоставно, а сепак толку совршено кулинарско „достигнување“.
За да направите совршен помфрит, погрижете се да користите компири со помалку скроб, а ќе ги препознаете по кората која не е цврста и која лесно се лупи.
Добро измијте ги компирите, излупете ги и исечкајте ги, а потоа ставете ги во тенчере со вода што врие, малку посолена.
Кога исечканите компири ќе се сварат, извадете ги, добро исушете ги и ставете ги во пластична кеса.
Кесата ставете ја во замрзнувач да отстои 3 до 4 часа. Потоа извадете ги компирчињата и ставете ги во загреано тавче со врело масло и пржете ги додека да не добијат кафеавкаста нијанса.
Вашиот совршен помфрит е готов!
Препорака: Доколку сакате можете да направите повеќе пакувања од варените компирчиња и да ги чувате во замрзнувачот, вадејќи ги кога ќе имате потреба.