Повеќето од нас нема да обрнат внимание на тоа каде треба да се чуваат намирниците во фрижидерот, но верувајте дека тоа е многу важно за храната. Не е доволно само да ги ставете во фрижидер, туку треба да знаете и како да се одржуваат свежи подолго време.
Најдобро е температурата во фрижидерот да биде помеѓу 0 и 4 степени, со што ќе се спречи развојот на бактериите. На горните полици складирајте ги остатокот од ручекот, пица, свежи зачини и намирници кои веднаш се подготвени за јадење, бидејќи овде температурата е најстабилна.
Вратите се најтоплиот дел од фрижидерот, па затоа тука треба да ги чувате производите со природни конзерванси. Мајонезот и сокот од портокал може да стојат на вратата, но млечните производи и јајцата најдобро е да се чуваат на подолните полици, отколку на вратата.
Исто така, на долните полици складирајте го и сировото месо и морските плодови. Овошјето и зеленчукот чувајте ги во одделениот дел за нив. Јајцата многу лесно го примаат мирисот од другите производи, па ако во фрижидерот имате нешто што има изразит мирис, немојте да ги ставите до него.
Треба да оставите доволно простор за низ него да струи ладниот воздух. Праските, сливите и крушите не би требало да ги чувате близу зеленчукот, бидејќи испуштаат гасови кои ќе го забрзаат скапувањето на зеленчукот.