И покрај тоа што постојано нè советуваат дека свежиот зеленчук е поздрав од варениот, постојат неколку отстапки од ова правило, а станува збор за плодови кои имаат подобра нутритивна вредност откако ќе се сварат.
Доматот, морковот, спанаќот, аспарагусот и печурките, се дел од намирниците кои се многи поздрави после термичка обработка.
Многу нутриенти во зеленчукот послабо се апсорбираат во дигестивниот систем во споредба со нутриентите кои се наоѓаат во намирниците од животинско потекло. Растителните влакна често се врзуваат со минералите, па телото потешко ги искористува, советува нутриционистката Мел Вејкмен.
Таа вели дека греењето може да ја ослабе врската помеѓу влакната и минералите, кои потоа се ослободуваат во дигестивниот систем. Ослободувањето на таквите нутриенти може да делува благотворно на здравјето, па дури и да го намали ризикот од некои видови на рак.
Но, важно е да имате на ум дека претераната термичка обработка може да ги уништи витамините, па затоа е добро да комбинирате свежо и варено овошје, а кога ќе се одлучите за готвена варијанта, трудете се изложувањето да висока температура да биде што пократко. Најдобро решение е зеленчукот да го варите на пареа или во микробрановата печка, како и да избегнувате премногу масло при готвењето.