Ништо полесно, здраво и вкусно како пролетна фритата. Подготвувањето е толку едноставно што дури и дете може да ја направи.
Сè што ви е потребно е:
- 8 јајца
- ½ шолја фета сирење
- ¼ шолја сечкана црвена пиперка
- 1 младо сечкано кромитче
- 1 шолја сечкани шампињони
- 1 главичка варена брокула
- ¼ шолја пармезан
- Сол и бибер
Начин на подготовка:
Загрејте ја рерната на 180 степени. Прво изматете ги јајцата, ставете сол и бибер, потоа додадете ги брокулата, пиперката и сирењето.
Во тавче ставете малку зејтин и запржете го кромидот заедно со печурките 5 минути. Потоа полека додадете ја смесата со јајцата, промешајте, ставете капак и оставете да се готви на тивок оган 8 минути. По изминатото време, тргнете го капакот и ставете го тавчето во рерна уште 8 минути. На крај наросете го пармезанот и уживајте во приготвената фритата.