Не постои човек кој не сака пица било да е стандардна капричиоза или пак пица приготвена со поегзотичен мастраф. Овој пат ви преставуваме малку поинаква верзија на пица која сигурно не сте имале можност да ја вкусите. Разликата е во тестото, кое наместо со брашно е приготвено со карфиол.
Потребни состојки за кората:
- 4 шолји свеж блендиран карфиол
- 1 матено јајце
- 1/3 шолја козјо или рикота сирење
- 1 лажичка оригано
- Сол и бибер по потреба
Состојките кои ќе ги ставите врз кората варираат во зависност од вашиот вкус.
Начин на подготовка:
Прво загрејте ја рерната на 180 степени. Земете го карфиолот и ставете го во блендер додека не добиете смеса слична на ориз. Во длабок сад зовријте вода, ставете ја смесата и варете 5 минути. Откако сте го направиле тоа добро процедете.
Добиената смеса од карфиол ставете ја во чиста крпа за го отстраните вишокот течност. Потоа префрлете ја во сад каде што ќе го додадете матеното јајце, сирењето и зачините. Убаво измешајте.
Во тавче прво ставете хартија за печење, а потоа полека натапкајте ја смесата така што да не биде потенка од 8 мм. Печете од 25 до 35 минути или додека кората не добие златно жолта боја. Потоа извадете ја тавата од рерна и врз кората за пица од карфиол наредете печурки, кашкавал, кечап, салама...Печете уште 5 до 10 минути.