Ако и вас ви се омилени малите крем банани, тогаш сигурно сакате да си ги направите дома и да ги јадете кога и да посакате. Според овој рецепт, крем бананите се прават во плех, но многу подобро би било доколку најдете калапи во вид на банани (на пазар или во добро снабдени супермаркети) и истата смеса ја ставите во нив.
Потребни состојки:
- 2дцл вода
- 750гр шеќер
- 2 кесички желатин
- Екстракт од банана (количината зависи од вкусот, па може да ставите половина или еден цел екстракт)
- 100гр чоколадо
Зовријте ги водата и шеќерот додека не почнат да пенат, па тргнете ги од оган. Додајте го претходно разматениот желатин во водата и вратете ги состојките на оган мешајќи ги пет минути. По 5 минути тргнете го тенџерето од оган и матете со миксер околу 10 минути додавајќи го екстрактот од банана. Намачкајте го плехот или калапите со масло и ставете ја смесата.
Ако сте ја ставиле во плех, само премачкајте ја смесата со чоколадна глазура и ставете ги во фрижидер за да стегнат. Но, доколку користете калапи, оставете ги во фрижидер да зацврстат, па потоа натопете ги во растопено чоколадо и вратете ги повторно во фрижидер.