Магерницата на Бигорски Манастир изоболува со вкусни јадења. Ние овојпат ви претставуваме нешто кое што можете да го направите за денешниот неделен ручек.
Потребни состојки:
- Крап
- Кромид 1 кг.
- 3 Моркови
- 1 китка магдонос
- Вино 2 дл.
- Домата 2 дл. или 2 домати
- 1 главица лук
- Масло
- Зачин од зеленчук
- Сол
- Црн бибер
- 3 Ловорови листа
Начин на подготовка:
Крапот најпрвин внимателно се чисти од крлушките па се расекува на стомакот, му се вади внатрешноста и темелно се мие. Потоа се посолува со крупна сол и се остава да одстои 4 до 5 часа. Настрана се сецкаат на парчиња кромидот, морковот и лукот, им се додава убаво измиениот и ситно исецкан магдонос, се додава малку сол, зачин од зеленчук, ловоров лист и црн бибер. Тавата се премачкува со масло и во неа се става половина од смесата, со истата смеса се полни крапот и се реди во тавата, а отстрана му се додава останатата смеса.
Најпосле крапот се полева со виното, доматата, останатото масло и малку вода и се става да се пече на 200ᴼC околу 1 час.
Рецептот е превземен од Магерницата на Бигорски Манастир.