Великпеток е христијански празник на денот кога е распнат Исус Христос. Православниот канон за денешниот ден предвидува строг пост со вода, а многу верници на тој ден не пијат, ниту јадат до зајдисонце. За овој ден Црквата пропишува најстрог пост, денот да помине без јадење и пиење (освен за немоќните и престарените), во знак на таговно сеќавање на настаните од она време. Покрај постот, на денот на христијанската жалост не се работи по дома, ниту на поле. Доколку не можете да држите строг пост, тогаш ви предложуваме да направите посно гравче на манастирски начин.
Потребни состојки:
- Грав 400 гр.
- 2 Морков
- Кромид 1 главица
- 1 Праз
- 1 Пиперка
- Лук ½ чешне
- 2 Ловорови листа
- Буковец 2 лажички
- Таан 2 лажици
- Зачин од зеленчук - 1 лажиче
- Нане 1 лажиче
- Бибер
- Сол
Начин на подготовка:
Гравот убаво се мие и остава да стои во ладна вода околу 6 часа. Откако ќе се исцеди се става во подлабок сад, се додава вода и ситно исецкан кромид, потоа морков, праз и пиперка и се остава да се вари на тивок оган. После 15 минути варење се додава претходно растворениот таан и буковецот. Откако гравот добро ќе се свари се додава ситно исецкан лук, зачин од зеленчук, ловоров лист, нане, малку бибер и сол по вкус и се трга од оган.
Рецептот е превземен од Магерницата на Бигорски Манастир.