Ова е апсолутно совршено и креативно решение за сите чокохоличари, доколку го собирате друштвото за роденден или било каква забава. Вашите гости ќе бидат едноставно воодушевени!
Без разлика дали сте аматер кога станува збор кулинарските вештини или не, овој неодолив десерт може да го направи дури и мало дете. Состојките кои ќе ви бидат потребни се следните:
- тесто за пица
- 20 гр путер
- ¼ шолја чоколаден крем
- пенасти бонбони
- сечкано црно чоколадо
- сечкано бело чоколадо
- 1 банана
- неколку мелени бисквити
- сечкани ореви/бадеми/лешници по желба
Подготовка:
Најпрво подгответе го тестото премачкувајќи го со растопениот путер, а потоа ставете го во добро загреана рерна на 230 степени да се потпече 5 минути. Извадете го и премачкајте го со чоколадниот намаз, а потоа наредете ги пенастите бонбони и сечканите чоколади и попрскајте со сечканите јатки (ореви, бадеми или лешници).
Вратете го во рерна на уште 5 минути, а кога ќе го извадите додадете ја сечканата банана и попрскајте ја чоколадната пица со мелените бисквити.
Вашиот вкусен десерт е подготвен за послужување!