Сезоната на јагоди започна, па сега конечно можеме да уживаме во омилените црвени јаготки со неодолив вкус, кои изминативе месеци со душа ги чекавме да израснат. Ви претставуваме неколку интересни податоци за ова овошје, кои веројатно не ги знаете.
- Јагода со просечна големина содржи 200 семки.
- Јагодата е член на фамилијата ружи.
- Во Белгија постои музеј кој е посветен само на јагодите.
- Во средниот век, јагодите се служеле на важни настани воглавно на богатите и благородни луѓе.
- Шест јагоди со средна големина ја задоволуваат дневната потреба за витамин Ц.
- Иако доаѓа до грешка, ботаничарите не ги класифицираат јагодите како бобинки. Имено, бобинките, како што се боровинките и рибизлите, имаат семки во внатрешноста на плодот, додека јагодите имаат семки на надворешната страна. Со тоа, јагодите спаѓаат во јагодесто овошје, заедно со капините, малините и дудинките.
- Консумацијата на јагоди, кои се богати со нитрати, може да го зголеми протокот на крв и кислород до мускулите за 7 проценти. Ова го намалува заморот на мускулите и го олеснува вежбањето.
- Осум јагоди задоволуваат 20 проценти од дневната потреба на организмот за фолна киселина, која им е особено потребна на бремените жени, како и на лицата со намален имунитет.
- 150 грама јагоди содржат само 45 калории.
- Јагодите би требало да имаат интензивен мирис. Оние кои го немаат се уште не се зрели. Имајте на ум дека јагодите не созреваат откако ќе се наберат.
