Кога еднаш ќе го вкусите овој прекрасен чоколаден мус, кој се прави за само две минути, ќе стане ваш омилен десерт за топлите денови кои се пред нас. Направете освежителен чоколаден мус богат со белковини и здрави масти, во кои можете повремено да уживате и кога сте на диета.
Со овој мус можете да се почастите без грижа на совест, бидејќи истиот содржи 250 калории.
Потребни состојки:
- 200 мл незасладено млеко од бадеми (можете да користите и обично млеко)
- 3-4 коцки мраз
- половина зрело авокадо
- 1 лажица незасладено какао
- малку цимет и стевија по желба
Подготовка:
Мешајте ги сите состојки со миксер (блендер) околу 2 минути, односно додека не добиете изедначена крема. Добиениот мус послужете го веднаш. На здравје!