Ако јадете цела кутија со колачи одеднаш јасно ви е дека тоа ви штети, но еднакво е штетно доколку претерате со консумација на одредена здрава храна.
Дознајте во кои шест благотворни намирници треба да уживате умерено.
1. Спанаќ
Тој е извор на белковини, влакна, витамини и минерали, помага во зачувување на видот. Сепак, спанаќ содржи големи количини на оксалат, супстанца која помага во создавање на камења во бубрезите па поради тоа тој треба да се јаде во умерени количини.
2. Портокали и домати
Ако јадете преголемо количество портокали и домати, нивната киселина може да предизвика гастроезофагеален рефлукс, нарушување на желудникот кое се карактеризира со незгодни симптоми како болка во грлото, но и повраќање. Не се препорачува да се јадат повеќе од два портокали или домати дневно.
3. Конзервирана туна
Ако јадете пречесто конзервирана туна, постои опасност организмот да ви се „предозира“ со жива со оглед дека овој елемент во туната се наоѓа во поголеми количини. Претераното внесување на жива може да предизвика ослабување на видот, слухот, нарушени координација и слабост во мускулите. Туната се ограничува на максимално две конзерви неделно.
4. Соја
Доколку ја консумирате сојата умерено таа поволно ќе влијае на холестеролот и крвниот притисок, но ако претерате со сојата ќе спречите апсорпција на железо и ќе предизвика анемија. Затоа не јадете повеќе од една порција соја дневно.
5. Бразилски оревчиња
Оваа фина ужина е богата со протеини, влакна, есенцијални масни киселини и селен кои во крвта го намалува холестеролот и крвниот притисок. Сепак, селенот во поголеми количини може да е токсичен и да предизвика губење на косата, кршливи нокти, дерматитис и невролошки проблеми. Јадете не повеќе од десет бразилски ореви на ден.
6. Вода
Хидратација е од суштинско значење за добро здравје, но прекумерната консумација од најздравиот пијалак на планетата може да предизвика интоксикација со вода. Премногу вода го раствора натриум во телото, и ниското ниво на натриум може да ја наруши функцијата на мозокот. Како да знаете дали пиете многу вода? Ако урината секогаш ви е проѕирна, намалете го внесот на вода.