Не постои човек кој нема да се согласи дека сладоледот е најубавиот летен десерт што постои. За да се осигурате дека тој воедно е и здрав за вашиот организам, можете да го подготвите сами и тоа само со три состојки, на многу брз и едноставен начин.
Потребни состојки:
- 1 шолја јагоди
- 2 лажици бадемово млеко
- 3 зрели банани
Подготовка:
Измијте ги и исчистете ги јагодите, а потоа заедно со бадемовото млеко ставете ги во блендер и малку измиксајте за да се сомелат. Потоа додадете ги бананите и миксајте сè додека не добиете кремаста смеса.
Добиената смеса префрлете ја во сад и ставете ја во замрзнувачот, каде најдобро е да отстои преку ноќ.
Уживајте во природниот леден вкус!