Израдувајте ги вашите деца дома со слатко лижавче кое не постојат шанси да не им се допадне!
Потребни состојки:
- 125 мл. вода
- 180 мл. шербет (вода:шеќер – 1:2)
- 400 гр. шеќер
- 2 лажици екстракт по желба
- Украси кои се јадат
- Прехранбена боја
- Модли за лижавчињата (можете да ги направите од алуминиумска фолија)
- 24 стапчиња за лижавчињата
Подготовка:
1. Во сад од средна големина сипете вода, шербет и шеќер. Загрејте на средна температура и мешајте додека шеќерот не се стопи и соедини. Оставете да проврие, престанете да мешате, но повремено со влажна четка за премачкување на колачи преминете преку страните на садот, со цел шеќерот да не кристализира.
2. Продолжи да ја варите смесата без мешање, се додека не постигнете температура од 140 степени. Доколку имате термометар за слатки, тогаш ставете го внатре, ако не тогаш оставете нека смесата врие, но сепак внимавајте да не преварите бидејќи смесата премногу ќе се згусне. Тргнете ја од огинот и оставете да стои неколку минути, се додека меурчињата не престанат да се исфрлаат на површина. Додадете го екстрактот и бојата па добро измешајте.
3. Подмачкајте ги модлите, ставете украс по желба во секој и внимателно наполнете ги модлите (можете да направите и од алуминиумските фолии) со подготвената смеса. Уфрлете стапче во секое лижавче и внимавајте добар дел од врвот да биде прекриен со смеса.
4. Оставете ги лижавчињата да отстојат околу 10 минути на собна темература, па извадете ги од модли. Чувајте ги во херметички затворен сад.