Веќе знаеме дека појадокот е најважниот оброк во текот на денот. Храната која ја внесувате наутро може да има влијание на тоа колку сте гладни, па дури и дали се чувствувате задоволно подоцна во текот на денот. Еве што за појадок консумираат оние кои се грижат за своето тело и здравје.
Банана и овесна каша
- Сакам житарки, а моја омилена комбинација е шлаг, банана и овесни снегулки. Ги правам со млако, а додавам и дополнителни интегрални житарки, протеини и здрави масти, вели Кет, блогерка за здрав живот и основач на Kath Eats Real Food.
Здрави палачинки
- Повеќето мои утра подразбираат протеински палачинки прелиени со свежи бобинки, како боровинки, заедно со вода, кафе или зелен чај. Рецептот за протеински палачинки е едноставен и вклучува една лажичка протеин во прав, белка од јајце и пире од банана и ленено семе, вели Британи Малинс, личен тренер и креатор на блогот Eating Bird Food.
Мафини со спанаќ
- Го сакам фактот дека можам да ги подготвам и да ги јадам во текот на целата недела. Едноставно помешајте спанаќ (свеж или замрзнат) по ваша желба, 5 јајца, 200 мл млеко и една шолја издробено сирење. Смесата истурете ја во садови за мафини и испечете. Ќе добиете појадок богат со протеини кој ќе ве одржи сити до ручекот, вели Шели Мари Редмонф, основач на блогот Skinny Louisiana.
Јајца, сланина, спанаќ и кафе со соино млеко
- Ова е вкусно јадење кое ме држи сит подолго време и е идеален кога знам дека ќе имам интензивен тренинг или напорен ден. Овој појадок ми дава протеини, здрави масти и јаглени хидрати кои ми се потребни за да ја задржам енергијата, вели Илидалис Веласкез, личен тренер и нутриционист.
Фритата со зеленчук
- Оваа фритата со зеленчук ја правам за појадок, користејќи ги остатоците од брокулата од вечерата, додавајќи свежи домати одозгора. Сакам појадок кој содржи зелечук, а ова е идеалниот начин да ги искористите плодовите кои ви стојат во фрижидерот, вели Моника Рејнагел, основач на The Nutrition Diva.
Мафини со шунка и јајца
- Ова јадење е многу лесно за подготовка и претставува одличен извор на протеини. Исечкајте парче шунка и распоредете го во тавчето за мафини. Во одвоен сад измешајте 4 јајца, 700 мл млеко и 1 шолја издробено сирење. Истурете ја смесата во калапите, врз шунката и печете 20 минути. Имате појадок полн со протеини, вели Шели Редмонд.