Температурата расте од ден во ден, па потребно е често да се освежувате и да внесувате доволно течности во организмот.
Лубеницата е најдобар зеленчук кој може да ве освежи и да ви даде енергија за време на летото. Полна е со здрав сок, шеќер и дава енергија на долги патеки. Нема ништо послатко од загризување на парче сочна лубеница под сенка. Во тој момент веројатно не размислувате колку тоа што го правите всушност е здраво.
Ова растение содржи 92 отсто вода и богата е со витамин А и Ц, црвен пигмент и антиоксиданси кои позитивно влијаат на срцето и коските. Искористете ја на следниот начин.
1. Гаспачо со лубеница
Познатиот рецепт за зачинета чорба од домати, која може да се меша со пиперки, краставици и друг зеленчук може да биде богата и со лубеница. Ставете ги сите овие освежувачки состојки во блендер и додадете две парчиња лубеница. Послужете ладно и уживајте во својот напиток за топлите денови.
2. Салата од зеленчук со лубеница
Освежете се со салата од домати, моцарела и слатки парчиња лубеница. Иако делува неспоиво, ќе бидете изненадени колку оваа мешавина има природен и освежувачки вкус. Салатава ќе стане ваш извор на хидратација во врелите денови. Додадете листови зелена салата и сето тоа посипете го со бисилек.
3. Освежувачки шејк од лубеница
Дозволете си на себе мало освежување по напорниот тренинг во теретана или спортување во природа. Во шејкот можете да додадете краставици или млеко од кокос, а една чаша од овој магичен пијалак кој вас во целост ќе ве наполни со енергија и ќе ве освежи содржи само 145 калории. Додадете коцки лед и уживајте.