Војвотката од Кембриџ важи за една од најубаво облечените жени во британското кралско семејство, но и во светот на познатите. Освен тоа што има префинет вкус за облекување, Кејт Мидлтон е една од ретките дами кои иако можат да си дозволат секојдневно да носат различни модни комбинации, честопати избира да го рециклира својот изглед.
Во суштина во нејзиниот гардеробер постојат 10 парчиња облека кои постојано ги носи на патувањата и официјалните средби.
1. Син фустан – додека сите имаат мал црн фустан, Кејт има сина верзија која одлично се вклопува во нејзиниот стил.
2. Зелен капут- војвотката поседува два зелени капути кои се мошне слични еден на друг, но со соодветните додатоци секогаш изгледаат поинаку.
3. Бело здолниште – во пролетните и летните месеци ја гледаме во бело здолниште кое го комбинира на различни начини.
4. Лежерен спој- секогаш кога сака да изгледа средено и опуштено, Кејт избира тесни фармерки во темна боја, спортско сако и нејзините омилени сандали на плута.
5. Фустан од тантела – уште едно парче облека кое неколку пати досега го носела на црвениот тепих.
6. Асиметричен фустан – војвотката понекогаш експериментира и со формите. Вообичаено избира сличен крој на фустан, со неколку нијанси разлика во бојата.
7. Црвен аутфит- една од боите во кои често ја гледаме е и црвената. Без разлика дали тоа дали е капут, палто или фустан, Кејт знае како да ја носи оваа боја.
8. Морнарска маичка – тоа е една од оние обични маички во линии кои секогаш одат добро во комбинација со тесни фармерки или здолниште.
9. Син твид капут врз син фустан – несомнено една од омилените комбинации на војвотката.
10. Капут во иста боја со шапката – шапката и облеката секогаш се во иста боја. Мидлтон најчесто ја гледаме во препознатливата сива комбинација.